CEGAM

O proxecto CEGAM (Centro Galego do Movemento) ten por obxectivo acadar o establecemento en Galiza dun centro independente dedicado á formación, educación, investigación e creación baseada na análise do movemento.

Cun enfoque local na súa base territorial e unha vocación internacional nas súas redes relacionais, o CEGAM busca converterse no centro de referencia para un grupo amplio e multidisciplinar de creadores, artistas e investigadores cos que dialogar sobre novas perspectivas en base ao estudo, teoría e práctica de coñecemento aplicado.